“ရခိုင်ပြည်နယ်ဘက်မှ မကွေးတိုင်းကိုဖြတ်သန်းသွားနေတဲ့ ကုန်တင်ယာဥ်တွေကိုစုစည်းပြီး ရဲတပ်ဖွဲ့ပွိုင့်ကားဖြင့် တိုင်းနယ်မြေအဆုံးထိ လိုက်ပါပို့ဆောင်ပေးနေ”

မကွေး စက်တင်ဘာ ၂
“Covid 19ကပ်ရောဂါ ပြည်တွင်းကူးစက်မှုမြင့်မားနေသည့်အတွက်
ရခိုင်ပြည်နယ် အမ်းမြို့ဘက်ကနေမကွေးတိုင်းကို ဖြတ်သန်းသွားလာနေကြတဲ့ကုန်တင်ကားတွေကိုစုစည်းပြီး မကွေးတိုင်းအဆုံးထိ ရဲတပ်ဖွဲ့ပွိုင့်ကားနဲ့ လိုက်ပါပို့ဆောင်ပေးနေတယ်လို့ မကွေးတိုင်းရဲတပ်ဖွဲ့ကနေ သိရပါတယ်။
“ရခိုင်ပြည်နယ်ဘက်ကလာတဲ့ ကုန်ကားတွေ မကွေးတိုင်းကိုဖြတ်သန်းကြတဲ့အခါ လမ်းခရီးမှာနားတာ၊ ကားသမားတွေလမ်းဘေးဆိုင်တွေ၊ ရွာတွေမှာလမ်းဆင်းလျှောက်တာတွေ မပြုလုပ်စေဖို့ ကုန်ကားတွေကိုစုပြီး တိုင်းနယ်နမိတ်အဆုံးအထိ ရဲတပ်ဖွဲ့ပွိုင့်ကားတွေနဲ့ လိုက်ပါပို့ဆောင်ပေးတာ​​ဖြစ်တယ်လို့ တိုင်းရဲတပ်ဖွဲ့မှူးရဲမှူးကြီးလှိုင်တင့်က ပြောပါတယ်။
“ကုန်တင်ကားတွေအနေနဲ့ မကွေးတိုင်းအတွင်းမှာ ဆီဖြည့်လိုပါကလည်းဆီဆိုင်တစ်ဆိုင်ကို သီးသန့်သတ်မှတ်ပေးထားတယ်လို့သိရပါတယ်၊ ကုန်ကားတွေအနေနဲ့ပုလင်းခွံတွေ၊ ဂဏန်းပုစွန်၊ သစ်သီး၊ ဆန်၊ဖွဲနု၊ ကတ္တူ၊ စပါး၊ ဇကွဲ၊ သံတိုသံစ၊ ငါး၊ကြက်ဥ၊လသီဟိုစေ့တွေကို သယ်ဆောင်တာများတယ်လို့ သိရပါတယ်။
“ကိုဗစ်ဖြစ်ပွားမှုကြောင့် ကုန်ကားမောင်းသူတွေအနေနဲ့လည်း လမ်းခရီးမှာအခက်အခဲတွေကြုံတွေ့ရတယ်လို့ သိရပါတယ်၊ ဂိတ်တွေအဆင့်ဆင့်မှာ ရပ်နားစစ်ဆေးတာဖြစ်တဲ့အတွက် အစားအသောက်အခက်အခဲတွေလည်းကြုံတွေ့ရတယ်လို့ မင်းဘူးခရိုင် ငဖဲမြို့နယ်ပဒါန်းကျေးရွာ ပျဥ်းဝဂိတ်မှာ အစစ်ဆေးခံနေတဲ့ ရန်ကုန်-အမ်းကုန်ကားမောင်းသူ ကိုကျော်ခိုင်ကပြောပါတယ်။
“ရခိုင်ပြည်နယ်ကနေ မကွေးတိုင်းကိုဖြတ်သန်းသွားလာတဲ့ ကုန်တင်ကားတွေကိုသြဂုတ်လ(၂၆)ရက်​နေ့မှ (၃၁)ရက်​နေ့အ
ထိ အစီးပေါင်း(၂၄၅)စီးကို ရဲလုံခြုံရေးပွိုင့်ကားနဲ့ လိုက်ပါပို့ဆောင်ပေးထားကြောင်း၊ ရန်ကုန်ဘက်ကိုသွားတာ(၇၁)စီး၊ မန္တလေးဘက်သွားတာ(၅၈)စီး၊ ရှမ်းပြည်ဘက်သွားတာက(၁၁၆)စီးဖြစ်တယ်လို့ မကွေးတိုင်းရဲတပ်ဖွဲ့မှ သိရပါတယ်။
ရွာသား(မကွေး)
မကွေးဂျာနယ်