Category: <span>Editorial Board</span>

ရွေးကောက်ပွဲ အနိုင်ရဖိုပဲ ကြည့်တဲ့ အစိုးရ မဖြစ်စေချင်ဘူး။တည်ဆဲဥပဒေတွေနဲ့ အညီ လုပ်ကိုင်ဆောင်ရွက်တဲ့ အစိုးရတရပ်ကသာ တိုင်းပြည်ကောင်းဖို့ လုပ်နိုင်မှာဖြစ်တယ်။နိုင်ငံတနိုင်ငံမှာ အစိုးရတရပ် အပြောင်းအလဲဖြစ်ရင်၊ မင်းပြောင်းမင်းလွဲဖြစ်ရင် အများအားဖြင့် စစ်ဦးဘီလူးလိုမျိး ဖြစ်ပြီး အရင်က အုပ်ချုပ်ခဲ့၊ အာဏာရခဲ့၊ စီးပွားဖြစ်ခဲ့သူတွေကို နောက်တက်လာသူတွေက နှိပ်ကွပ်တာတွေပဲ အဖြစ်များတယ်။ ပေဖြစ်တုန်းက ခံရသမျှ၊ ကိုယ်တူဖြစ်လာတော့ အပြတ်နှံကြတဲ့ အလေ့အထကများပါတယ်။ လက်စားခြေတာထက် သင်ပုန်းချေတာက ကောင်းပါတယ် ဆိုပေမယ့် လူမိုက်အားပေးတာမျိုး ဖြစ်မသွားသင့်ပါဘူး။ လူမိုက်တွေက လူလိမ္မာတွေရဲ့ မြင့်မြတ်တဲ့စိတ်ထားကို အခွင့်ကောင်းယူသွားတာမျိုး အစ်ြသင့်ဘူး။ဥပဒေကို၊ ဥပဒေနဲ့ အညီ လုပ်ကိုင်ဆောင်ရွက်တဲ့အစိုးရတရပ်ရဲ့ အောက်မှာ လူဆုး၊ လူညစ်တွေ မျက်နှာသာ ရနေမှာမဟုတ်ပါဘူး။ပြည်သူလူထုနဲ့ နိုင်ငံရဲ့ အကျိုးစီးပွားကို ဆုတ်ယုတ်စေတဲ့ ဥပဒေတွေ အမိန့်တွေကိုလည်း ဖျက်ပစ်ရမှာပါ။ ပြည်သူလူထုကို အကျိုးမဲ့စေတဲ့...

ဟူကျင်တောင်၊ သို့မဟုတ် ထင်ပေါ်ကျော်ကြားမှုကို မလိုလားတဲ့ နိုင်ငံရေးသမား ဆိုတဲ့ စာအုပ်ကို ကျော်ထက်ထွန်း ဘာသာပြန်တာ ဖတ်ဖြစ်တယ်။ဟူကျင်တောင်ကို တရုတ်ပြည်ရဲ့ သမ္မတရာထူး၊ အထွေထွေအတွင်းရေးမှူးမတိုင်မီကလည်း လူသိနည်းတယ်။ အာဏာတွေရပြီးနောက်လည်း ထင်ထင်ပေါ်ပေါ် မနေ။သူ ၂၀၀၂နှစ်မှာ တရုတ်ကွန်မြူနစ်ပါတီ အထွေထွေ အတွင်းရေးမှူး တာဝန်ယူပြီးနောက် ပါတီသမိုင်းမှာ အရင်းရှင်တွေကို ပါတီဝင်ခွင့် ပြုခဲ့တာ်။ အခုတော့ ဂျက်မာတို့ပါ ပါတီဝင်လို့ သိလာရတယ်။နိုင်ငံခေါင်းဆောင်တယောက်အနေနဲ့ သိချင်စရာ ပြောချင်စရာတွေ အများကြီးရှိမှာပါ။ ပါတီရဲ့ ထိပ်တန်းခေါင်းဆောင်တယောက်ဖြစ်လာဖို့ အခက်အခဲတွေ ကျော်ဖြတ်ရတာအများကြီးပါ။ အရင်းရှင်နိုင်ငံဖြစ်ဖြစ်၊ ဖွံဖြိုးဆဲ့​ဖြစ် ဖြစ်၊ ကွန်မြူနစ်လိုလို ဖြစ်ဖြစ် သဘောသဘာဝတွေက အတူတူပါပဲ။ခေါင်းဆောင်တယောက် စတင်တာဝန်ယူခါစ ဒါမှမဟုတ် ရွေးကောက်ပွဲ နဲ့ ကြုံရတဲ့အခါမှာ သဘာဝဘေးတို့၊ ကပ်ရောဂါဘေးတို့နဲ့ ရင်ဆိုင်ရတဲ့အခါရှိတယ်။ မြန်မာပြည်မှာဆို ၂၀၁၅ တုန်းက...

ယခုလက်ရှိသတင်းစာအချို့သည် မိမိတို့၏ချို့ယွင်းချက်များကို ပြုပြင်နိူင်သလောက်ပြုပြင်ကြပြီးလျင် သတင်းစာဖတ်သူတို့အကျိုး၊ တိုင်းပြည်၏အကျိုးအတွက် ရဲရဲဝံ့ဝံ့ရေးသားကြရန် အချိန်တန်ပြီ။ ဤသို့ရေးသားကြမည်ဆိုသော် တိုင်းပြည်၏ကျေးဇူးတင်ခြင်းကိုကောင်းကောင်း ခံစားရမည်သာတည်း။တဲ့။သိပ္ပံမောင်ဝရေးတဲ့စာပါ။၁၉၃၉ခုနှစ်၊သြဂုတ်လထုတ်ဂန္ဓလောကမှာပါတဲ့ သတင်းစာကောင်းအလိုရှိသည်ဆိုတဲ့ဆောင်းပါးမှာရေးထားတာပါ။အဲ့ဒီဆောင်းပါမှာဆက်ရေးထားပါတယ်။ သတင်းစာနဲ့သတင်းသမားဆိုတာ အပြန်အလှန်အထောက်အကူပြုတဲ့သဘောဖြစ်ကြောင်းဆက်ရေးထားပါတယ်။ဒုတိယကမ္ဘာစစ်မတိုင်မီကရေးခဲ့တာပါ။သတင်းစာနဲ့သတင်းသမားတချို့ရဲ့အခြေအနေကအခုလည်းသိပ်မကွာပါဘူး။ဆိုးမွေတွေအဆက်ဆက်ပေးပြီး၊ဆိုးမွေတွေဆက်ခံနေသလိုပါပဲ။ဆရာကသတင်းစာတွေအကြောင်းကိုို”၁(ပြား)၊ ၂(ပြား)၊၃(ပြား)တန်သတင်းစာများကို ထားလိုက်ပါဦး၊ ၅(ပြား)တန်အတန်းသတင်းစာအချို့ပင်လျင် ပါတီပရောဂများနှင့်မကင်းကြသည်မှာ သနားစရာကောင်းလှတော့သည်။”လို့ရေးထားပါတယ်။ဆက်ပြီးလည်း “သတင်းစာဖတ်သူတို့ကား နှစ်ဦးနှစ်ဖက်စကားကိုမကြားရဘဲတဖက်သတ်စကားကိုယုံပြီးလျင် မမှန်သောဆုံးဖြတ်ချက်ကိုချကြရလေသည်။ မည်သူ၏အပြစ်ပါနည်း။ ထိုတဖက်သတ်သမား သတင်းစာဆရာများ၏ အပြစ်ပင်ဖြစ်တော့၏။ ထိုပြင်နယ်များမှ သတင်းမှန်၊သတင်းကောင်းတို့ကိုပေးနိုင်သောပုဂ္ဂိုလ်များအားကြေးငွေခပ်များများပေး၍ သတင်းထောက်ခန့်ထားခြင်းမပြုပါဘဲ အများအားဖြင့် အပေါစားသတင်းထောက်တို့ကိုခန့်ထားလေ့ရှိကြလေသည်။ခြောက်ပြားတန်သတင်းသတင်းထောက်မျိုးကိုခန့်ထားလျှင်ခြောက်ပြားတန်သတင်းမျိုးကိုသာရပေလိမ့်မည်။တကျပ်တန်သတင်းမျိုးကို အဘယ်နည်းနှင့်မျှရနိုင်မည်မဟုတ်ပေ။”သူစာထဲမှာပြားတွေပါတော့ အဲ့ဒီခေတ်ရဲ့ကုန်စျေးနှုန်းကိုသူ့ဆောင်းပါးတွေထဲမှာလိုက်ရှာရပါတယ်။အခြားတပုဒ်မှာဟင်းတခွက်နဲ့ထမင်းတခါပြင်(၄)ပဲ။လက်ဖက်ရည်တခွက်(၆)ပြားလို့ရေးထားတာတွေ့ပါတယ်။စစ်ကြိုခေတ် သတင်းသမားတွေသတင်းလိုက်ပုံ၊သတင်းရေးပုံကိုဘယ်လိုဆက်ရေးထားသလဲဆိုတော့”ထိုခြောက်ပြားတန်သတင်းထောက်တို့သည် လက်ဖက်ရည်ဆိုင်၊ကာဖီဆိုင်တို့မှရသော သတင်းတို့ကိုဟုတ်၏၊၊ မဟုတ်၏ထောက်လှမ်းစုံစမ်းခြင်းမပြုပါပဲ ထိုရသမျှသတင်းကိုမိမိတို့၏သတင်းစာတိုက်သို့ပို့လိုက်သည်သာများ၏။ထိုသတင်းများကိုဟုတ်၏၊မဟုတ်၏ဆင်ခြင်ခြင်းမပြုပါဘဲအဟုတ်ကြီးလုပ်ကာသတင်းစာထဲတွင်ထည့်သွင်းလေ့ရှိသည်။”တဲ့။ပါတီတခုခုနဲ့မသက်ဆိုင်တဲ့သတင်းစာတွေရဲ့အခြေအနေကလည်း”ပါတီမရှိသော်လည်းလူအများ၏အလိုသို့သာလိုက်ကာရေးသားနေကြသောသတင်းစာတို့ကိုလည်းအားထားရန်ခက်လှပေ၏။ထိုသတင်းသမားတို့ကားတိုင်းပြည်အားခေါင်းမဆောင်၊လူအများခေါင်းဆောင်ရာသို့သာလျင်ကောက်ကောက်ပါအောင်လိုက်နေကြလေတော့သည်။”တဲ့။သိပ္ပံမောင်၀ရဲ့သက်ပြင်းမှုတ်ထုတ်သံကခေတ်တွေစနစ်တွေတခုပြီးတခုကျော်ဖြတ်ပြီးကိုယ့်ဘေးနားထိရောက်လာသလိုပါပဲ။၆.၈.၂၀၂၀ဇမဇမဇမ See Less