“Covid 19ကပ်ရောဂါ ပြည်တွင်းကူးစက်မှုမြင့်မားနေသည့်အတွက် မကွေး-အမ်း စစ်တွေ ပို့ဆောင်ရေးလမ်း ကြောင်းများ အားလုံးပိတ်”

မကွေး သြဂုတ်၂၁ “ရခိုင်ပြည်နယ် စစ်တွေတွင် Covid 19ကပ်ရောဂါ ပြည်တွင်းကူးစက်မှုမြင့်မားနေသည့်အတွက် မကွေး-အမ်း-စစ်တွေ လေယာဥ်လမ်းကြောင်း၊ ကားလမ်းကြောင်းများနဲ့ ပို့ဆောင်ရေးလမ်းကြောင်းများ အားလုံးကိုယနေ့ သြဂုတ်လ(၂၁)ရက်နေ့က စတင်ပိတ်လိုက်ပြီဖြစ်ကြောင်း မကွေးတိုင်းပို့ဆောင်ဆက်သွယ်ရေးဝန်ကြီးဌာနက သိရပါတယ်။ “စစ်တွေမြို့မှာ ကိုဗစ်-၁၉ ရောဂါပိုးတွေလူနာများ တွေ့နေရတဲ့အတွက် မကွေး-စစ်တွေ ဆက်သွယ်သွားလာတဲ့ လမ်ကြောင်းတွေကို ပိတ်တာဖြစ်တယ်လို့ သိရပါတယ်။ “တိုင်းဒေသကြီးအစိုးရအဖွဲ့ ညွှန့်ကြားချက် အရ မကွေး-အမ်း-စစ်တွေကူးသန်းသွားလာတဲ့လမ်းတွေ အားလုံးကိုပိတ်ခဲ့တာဖြစ်တယ်လို့ ကုန်လမ်းပို့ဆောင်ရေးညွှန်ကြားမှုဦးစီးဌာန တိုင်းဦးစီးမှူးဦးသိန်းဟန်က ပြောပါတယ်။ $မကွေး-အမ်း-စစ်တွေလေကြောင်းလိုင်းကို (MMA)လေကြောင်းလိုင်းရဲ့အစည်းအဝေးဆုံးဖြတ်ချက်အရ သြဂုတ်လ (၂၁)ရက်နေက စတင်ကာ (၂)ပတ်ပိတ်ခဲ့တယ်လို့ သိရပါတယ်။ “မကွေး-အမ်း-စစ်တွေလေကြောင်းလိုင်းပြန်လည်ဖွင့်လှစ်ဖို့ကတော့ စစ်တွေဘက်ကအခြေအနေကြည့်ပြီး ပြန်ဖွင့်သင့်မဖွင့်သင့် စဥ်းစားသွားမှာဖြစ်တယ်လို့ (MMA)လေကြောင်းလိုင်း မကွေးတိုင်း ကိုယ်စားလှယ် ဦးစံထွေးကပြောပါတယ်။ “လက်ရှိမှာဆိုရင် မကွေး-အမ်း-စစ်တွေ လမ်းကြောင်းတွေကိုသာ ပိတ်ထားတာဖြစ်ပြီး မကွေး-ညောင်ဦး-ရန်ကုန် ခရီးစဥ်တွေကိုတော့ ပုံမှန်အတိုင်ပြေးဆွဲနေတယ်လို့ ဦးစံထွေးက ပြောပါတယ်။ “မကွေး-အမ်း-စစ်တွေ မြို့တွေကို အဓိကကူးသန်းသွားလာတာကတော့ ကုန်းလမ်းခရီးနဲ့ လေကြောင်းခရီးက အဓိကသွားလာတာဖြစ်ပါတယ်၊ စစ်တွေမြို့မှာ ငါးရက်အတွင်း ယနေ့အထိ Covid 19ကပ်ရောဂါ ပြည်တွင်းကူးစက်မှု ၉ ဦးအထိ ရှိလာပြီဖြစ်ကြောင်း သိရပါတယ်။ရွာသား(မကွေး)မကွေးဂျာနယ်