“မကွေးတိုင်းပြည်သူ့ဆေးရုံကြီးတွင် COVID-19 စစ်ဆေးရန် GENE X PERT စက်တလုံး ထားရှိမည်ဟုသိရ”

မကွေး၊ ဩဂုတ် ၂၉
“မကွေးကို အခြေပြု၍ Covid 19ကပ်ရောဂါ တက်ရောက်ကုသနေသော ဆေးရုံကြီး(၃)ရုံမှ လူနာများကို ရောဂါပိုးရှိမရှိ စစ်ဆေးနိင်ရန်အတွက် တိုင်းဆေးရုံကြီးတွင် GENE X PERT စက်တလုံး ထားရှိစစ်ဆေးတော့မည်ဖြစ်ကြောင်း သိရပါတယ်။
“မကွေးတိုင်းပြည်သူ့ဆေးရုံ၊ မကွေးသင်ကြားရေးဆေးရုံနဲ့ မင်းဘူးပြည်သူ့ဆေးရုံတို့မှာ တက်ရောက်ကုသတဲ့
COVID-19 ရောဂါစောင့်ကြည့်လူနာတွေကို ရောဂါပိုးရှိမရှိ စစ်ဆေးပေးနိုင်ဖို့အတွက် GENE X PERTစက်တလုံး ထားရှိစမ်းသပ်လျှက်ရှိတယ်လို့ မကွေးတိုင်းပြည်သူ့ဆေးရုံအုပ်ကြီး ဒေါက်တာမြတ်စိုးက ပြောပါတယ်။
“ဒီစက်က အသည်းရောင် အသားဝါ ဘီပိုး၊ စီ ပိုးနှင့် ဆေးရင်ပါး တီဘီရောက်ဂါတွေကို စစ်ဆေးဖို့ ထုတ်လုပ်ထားတဲ့ GENE X PERTစက်ဖြစ်ပါတယ်၊ ရောက်နေတာ၂နှစ်နီးပါးရှိပါပြီ၊ ကျန်းမာရေးဝန်ကြီးဌာနရဲ့ ခွင့်ပြုထောက်ပံ့မှုနဲ့ ဒီစက်ထဲ Covid 19ရောဂါပိုးနဲ့ ပတ်သက်တဲ့ဓါတ်ပြုပစ္စည်းထည့် စစ်ဆေးလို့ ရတဲ့အတွက် အခု စမ်းသပ်စစ်ဆေးနေပါပြီလို့ ဒေါက်တာမြတ်စိုးက ပြောပါတယ်။
“မကွေးတိုင်းပြည်သူ့ဆေးရုံကြီးတွင် COVID-19ပိုး ရှိမရှိစစ်ဆေးမည့် အဆိုပါGENE X PERTစက်နှင့် တစ်ပတ်ကို ၂ ရက် အင်္ဂါနှင့်ကြာသာပတေးနေ့တို့တွင် စစ်ဆေးပေးမည်ဖြစ်ကြောင်း သိရပါတယ်။
“မကွေးအခြေစိုက်ပြည်သူ့ဆေးရုံကြီး၊သင်ကြားရေးဆေးကြီးနဲ့မင်းဘူးဆေးရုံကြီး(၃)ခုက COVID သံသယစောင့်ကြည့်လူနာတွေရဲ့နှာခေါင်းတို့ဖတ်၊အာခေါင်တို့ဖတ် နမှုနာတွေကိုယူပြီး စစ်ပေးနိုင်ဦးမှာ ဖြစ်ပါတယ်၊ အခုလိုစစ်ဆေးနိုင်တဲ့အတွက် ဆေးရုံကိုရောက်ရှိလာတဲ့ သံသယလူနာတွေရဲ့ဓာတ်ခွဲအဖြေကို လျှင်လျှင်မြန်မြန်သိရှိနိုင်မှာဖြစ်ပါတယ်၊ ဆေးရုံတက်လူနာတွေကိုအဓိကစစ်ဆေးပေးမှာဖြစ်ပါတယ်၊ လတ်တစ်လောအခြေအနေမှာ (NHA)ရဲ့ညွှန်ကြားချက်တွေအတိုင်း စမ်းသပ်စစ်ဆေးဆဲဖြစ်ပါတယ်၊ လာမယ့်အပတ်မှာစတင်စစ်ဆေးမှုတွေ ပြုလုပ်နိုင်မယ်လို့ ခန့်မှန်းထားပါတယ်လို့ မကွေးတိုင်းပြည်သူ့ဆေးရုံကြီးမှ (အနုဇီဝဗေဒ)အထူးကုဆရာဝန် ဒေါက်တာမြတ်မြတ်မိုးက ပြောပါတယ်။
ရွာသား(မကွေး)
မကွေးဂျာနယ်။