ဓာတ်မြေသြဇာတန်ချိန် ၂ သန်းနှင့် ပိုးသတ်ဆေးတန်ချိန် ၃၅၀၀၀ ကို ပြည်ပမှ တင်သွင်းမည်

ရွှေမန်း

ယူရီးယားမြေသြဇာ ဝယ်ယူဖြည့်တင်းရောင်းချရေး ဦးဆောင်ကော်မတီ အနေဖြင့် ၂၀၂၄-၂၀၂၅ဘဏ္ဍာနှစ်အတွင်းလိုအပ်မည့် ဓာတ်မြေသြဇာတန်ချိန် ၂ သန်းနှင့် ပိုးသတ်ဆေးတန်ချိန် ၃၅၀၀၀ ကို ပြည်ပမှ တင်သွင်းပြီး တောင်သူများထံ ဈေးနှုန်းသက်သာစွာဖြင့်ရာသီချိန်အမီဖြန့်ဖြူး ရောင်းပေးသွား မည်ဖြစ် ကြောင်းသိရသည်။

၂၀၂၃-၂၀၂၄ခုနှစ် ဘဏ္ဍာနှစ်အတွက် ဓာတ်မြေသြဇာတန်ချိန် ၂ သန်းနှင့် ပိုးသက်ဆေးတန်ချိန် ၃၇၀၀၀အတွက်  သွင်းကုန်လိုင်စင် ရရှိရေးကို စီစစ်ထောက်ခံပေးထားကြောင်း ကော်မတီမှ သိရသည်။

ဆောင်းရာသီ ဆီထွက်သီးနှံ စီမံကိန်းမှ နေပြည်တော်ကောင်စီအပါအဝင် တိုင်းဒေသကြီးနှင့်ပြည်နယ် ၁၂ ခုမှ စိုက်ဧက ၁ဒသမ ၂သိန်း မှာ ယူရီယားဓာတ်မြေဇာတန်ချိန် ၄၉၀၀နှင့်ကွန်ပေါင်းဓာမြေဇာတန်ချိန် ၂၁၀၀၀ ၊နွေစပါးစီမံကိန်း မှာ နေပြည်တော်အပါအဝင် တိုင်းဒေသပြီးနှင့်ပြည်နယ် ၆ခုမှ စိုက်ဧက ၇ ဒသမ ၂ သိန်းမှာ  ယူရီယားဓာတ်မြေဇာတန်ချိန် ၃၆၀၀၀ ကျော်နှင့်ကွန်ပေါင်းဓာမြေဇာတန်ချိန် ၃၆၀၀၀ ကျော်ကိုသုံး စွဲသွားရန် လျာထားဆောင်ရွက်လျက်ရှိသည်။

ထို့ပြင် လာမည့်မိုးစပါးစီမံကိန်းမှာလည်း  နိုင်ငံ့စီးပွားမြှင့်တင်ရေး ရံပုံငွေနှင့် နေပြည်တော်အပါအဝင်တိုင်း ဒေသကြီးနှင့်ပြည်နယ် ၁၀ ခုရှိ ၇ဒသမ ၄ သိန်းကျော်မှာ ယူရီယားဓာတ်မြေဇာတန်ချိန် ၃၇၀၀ ကျော်နှင့် ကွန်ပေါင်းဓာမြေဇာတန်ချိန် ၃၇၀၀၀ ကျော်စုစုပေါင်း တန်ချိန် ၇၄၀၀၀ ကျော် လိုအပ်ကြောင်းခန့်မှန်းထားပြီး ယင်းလိုအပ်ချက်မှာ   နိုင်ငံ့စီးပွားမြှင့်တင်ရေး ရံပုံငွေနှင့်ဆောင်ရွက်သည့် စီမံကိန်းများအတွက်လိုအပ်သည့် သွင်းအားစုများဖြစ်သလို   နိုင်ငံ့စီးပွားမြှင့်တင်ရေး ရံပုံငွေနှင့်အကြုံမဝင်သည့် လုပ်ငန်းများအတွက်လည်း တောင်သူများသက်သာစွာဝယ်ယူနိုင်ရန်စီစဉ်ဆောင် ရွက်ထားကြောင်း သိရသည်။

လာမည့် ၂၀၂၄-၂၀၂၅ဘဏ္ဍာနှစ်အတွက် လိုအပ်သည့် သွင်းအားစုလိုအပ်ချက်ကို ရာဘာတင်ပို့ပြီးရရှိသည့် ပို့ကုန်ရငွေများနှင့် အသုံးပြုတင်သွင်းနိုင်ရန်စီစဉ်ဆောင်ရွက်လျက်ရှိကြောင်းနှင့် အလားတူအခြားနည်း လမ်းများဖြင့်လည်းတင်သွင်းနိုင်ရေး ဆောင်ရွက်နေကြောင်း တောင်သူများသို့ ပြန်လည်ရောင်းချပေးမည့် ရည်ညွှန်းဈေးနှုန်းများကိုလည်း ထုတ်ပြန်ပေးလျက်ရှိကြောင်းသိရသည်။