ရွှေမန်း
ရပ်ဝန်းနှင့်ပိုးလမ်းမ (BRI) စီမံကိန်း၏ အစိတ်အပိုင်းဖြစ်သည့် ကုန်းလမ်း-ရေကြောင်း လမ်းကြောင်းသစ် ဖြစ်သော တရုတ်-မြန်မာ-အိန္ဒိယသမုဒ္ဒရာ အပြည်ပြည်ဆိုင်ရာပူးတွဲသယ်ယူပို့ဆောင်ရေးရထား (ချုံချင့်-ရန်ကုန်-အိန္ဒိယသမုဒ္ဒရာ) သည် ဧပြီလ ၂ ရက်နေ့တွင် ချုံချင့်မီးရထားကွန်တိန်နာစင်တာမှ အောင်မြင်စွာ စတင်ထွက်ခွာခဲ့ကြောင်း သိရသည်။
တရုတ်နိုင်ငံ ချုံချင့်မှထုတ်လုပ်သော မော်တော်ဆိုင်ကယ်တွဲဖက်ပစ္စည်းများ သယ်ဆောင်လာသည့် အပြည်ပြည်ဆိုင်ရာပူးတွဲသယ်ယူပို့ဆောင်ရေးရထားသည် ယူနန်ပြည်နယ် မိုဟန်မှတစ်ဆင့် လာအိုနိုင်ငံတွင်းသို့ ဝင်ရောက်ပြီးနောက် ဗီယင်ကျန်း၌ ကုန်းလမ်းပို့ဆောင်ရေးသို့ ပြောင်းကာ ထိုင်းနိုင်ငံမှတစ်ဆင့် ဖြတ်သန်းပြီး နောက်ဆုံးတွင် မြန်မာနိုင်ငံ ရန်ကုန်မြို့သို့ ရောက်ရှိသည်ဟု မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။
အဆိုပါ ကုန်းလမ်း-ရေကြောင်း လမ်းကြောင်းသစ်၏ တရုတ်ဘက်ခြမ်း ရထားလမ်းပိုင်းကို ပြီးခဲ့သည့် ၂၀၂၁ ခုနှစ် ဩဂုတ် ၂၆ ရက်နေ့က ဖွင့်လှစ်ခဲ့ပြီး “တရုတ်ယူနန်-မြန်မာရန်ကုန်-အိန္ဒိယသမုဒ္ဒရာကွန်တိန်နာပင်လယ်ရေကြောင်း-ကားလမ်း-ရထားလမ်း ပူးတွဲပို့ဆောင်မှု လမ်းကြောင်းသစ်”ကိုအသုံးပြုကာ ပထမဆုံးအသုတ်အဖြစ် တတိယနိုင်ငံမှ ကုန်ပစ္စည်းကွန်တိန်နာများသည် ရန်ကုန်ဆိပ်ကမ်းမှတစ်ဆင့် ချင်းရွှေဟော်နယ်စပ် ဂိတ်သို့ရောက်ရှိပြီး တရုတ်နိုင်ငံသို့ပြည်ဝင်ကာ နောက်သုံးရက်အကြာ၌ နောက်ဆုံးခရီးပန်းတိုင်ဖြစ်သည့် တရုတ်နိုင်ငံချန်တူးမြို့သို့ ရောက်ရှိပြီး ကုန်တင်ကုန်ချကို စင်္ကာပူမှ မြန်မာနိုင်ငံရန်ကုန်ဆိပ်ကမ်းသို့ ပို့ဆောင်ကာ ကုန်းလမ်းသယ်ယူပို့ဆောင်ရေးမှတဆင့် ယူနန်ပြည်နယ် လင်ချန်းသို့ ၀င်ရောက်ခဲ့ကြောင်း သိရသည်။
Leave a Reply