ကံမမြို့နယ်က စားဝတ်နေရေးခက်ခဲသူတွေကို သူတို့လှူဒါန်းကြပြီ

Covid-19ကပ်ဆိုးကြီးဖြစ်နေချိန် မကွေးတိုင်း ကံမမြို့နယ်အတွင်းမှ စားဝတ်နေရေးခက်ခဲသော မိသားစုများကို ကူညီနိုင်ရန်အတွက် ယနေ့ ဧပြီလ၂၆ရက်နေ့က ပြည်မြို့ ပေးဆပ်သူများအဖွဲ့မှ စားနပ်ရိက္ခာများ လာရောက်လှူဒါန်းတယ်လို့ သိရပါတယ်။
ပြည်မြို့က DVBသတင်းထောက် ဆရာမင်းညိုက ကံမမြို့နယ်မှာ ဒီအချိန် တကယ်စားစရာမရှိတဲ့မိသားစုတွေ ရှိနေတာကို သိရှိပြီး အွန်လိုင်းကနေပိုစ့်တင်အကူညီတောင်းတဲ့အတွက် ပြည်မြို့ ပေးဆပ်သူများအဖွဲ့က
ဆန် ၃ပြည်အိတ် ၆၀၊ ဆီ ဗူးသေး ၆၀၊ ကြက်သွန် ၃၀ပိသာ၊ကြက်ဥအလုံး ၆၀၀၊ ကိုငွေတိုး တက်တိုးအိမ်ဆောက်ပစ္စည်းရောင်းဝယ်ရေး ခေတ္တရာ မြို့သစ် ပြည်မှ ငွေ၁သိန်း၊ ကိုဇော်လေး မန္တလေးမှ mask ၁၀၀၊ နိင်ငံရေးအကျဥ်းသားဟောင်းကိုကျော်ဆွေ ပြည်မြို့မှ ဆန်၁အိတ် လာရောက်လှူဒါန်းပါတယ်လို့ ကံမမြို့ အမှတ်၁ တိုင်းဒေသကြီးလွှတ်တော်ကိုယ်စားလှယ် ဦးဇော်ဝင်းက ပြောပါတယ်။
အခုလို စားစရာအခက်အခဲဖြစ်နေတဲ့သူတွေကို လှူဒါန်းပေးနိင်အောင် နှိုးဆော်ပေးတဲ့ DVBသတင်းထောက် ကိုမင်းညိုကို ကျေးဇူးတင်ပါတယ်၊ Covid-19ကပ်ရောဂါကြောင့် ပြည်သူတွေ အိမ်မှာနေကြရတယ်၊ တစ်နေ့လုပ်လို့ တစ်နေ့စားရမယ့်ပြည်သူတွေမှာတော့ အခက်အခဲဖြစ်တာပေါ့၊ ရွာတစ်ရွာက ထင်းခုတ်စားရတဲ့ပြည်သူတစ်ယောက်ဆိုရင် သူခမျှ ထင်းခုတ်ပြီး အကြော်ဆိုင်တွေပို့ရတယ်၊ အခုဆိုင်တွေပိတ်တော့ အလုပ်မရှိ စားစရာမရှိဖြစ်လာတော့ ကျွန်တော်ရှိရောက်လာပြီး ပုဆိုးအဟောင်းလေး၂ထည်ကိုယူပါ ဆန်လေးရသလောက်ပေးပါ၊ အိမ်မှာစားစရာမရှိဖြစ်နေလို့ပါလို့ပြောတယ်ဗျာ၊ ကျွန်တော်လဲ တတ်နိင်သမျှဆန် ဆီ ဆားပေးလိုက်ပါတယ်၊ အာ့ဒီလိုပါဘဲ မြို့မဟုတ် တောမဟုတ်မှာ နေရတဲ့ပြည်သူတွေ ဒီအချိန်မှာ စားဖို့အတွက် အတော်ကို ဒုက္ခရောက်နေကြတာပါ၊ အခုလို လာရောက်လှူဒါန်းတာတွေကို တကယ်စားစရာမရှိတဲ့ အိမ်ထောင်စု၆၀လောက်ကို သေချာလေ့လာပြီး ကျွန်တော်ကိုယ်တိုင် အဖွဲ့နဲ့ သွားရောက်လှူဒါန်းမှာပါလို့ ဦးဇော်ဝင်းက ပြောပါတယ်။
ကံမမြို့နယ်က Home Quarantine Campတွေမှာ ကိုယ့်ထမင်းကိုယ်စား အိမ်ကပို့ရတာ၊ ဗော်လံတီယာမရှိဘူး၊ အခက်အခဲတွေရှိနေတယ်၊ ကံမကအမတ်တစ်ယောက်ကို ဆက်သွယ်မေးမြန်းတယ်၊ နောက်ထပ်က ရွာတွေက စားစရာမရှိလို့ ဆန်လာလာတောင်းကြတာကို သိရတယ်၊ Home Stayဆိုတော့ အလုပ်မရှိ စားစရာမရှိဖြစ်နေတာတွေကို တိုင်းပြည်ကသိသွားရင် အကူအညီလေးရအောင် ကျွန်တော့်Fbကနေတင်လိုက်တယ်၊ ကူညီချင်သူတွေက ဆက်သွယ်လာလို့ ဒီနေ့ ကံမသွားပြီးလှူဒါန်းဖြသ်တယ်လို့ ပြည်မြို့က DVBသတင်းထောက် ဆရာမင်းညိုက ပြောပါတယ်။
Covid-19ကပ်ဆိုးရောဂါကြောင့် ပြည်သူတွေ Home Stayနေရချိန် စားဝတ်နေရေးအတွက် အတော်များများဒုက္ခရောက် ငတ်နေကြကြောင်း၊ အဓိက တောနေလူတန်းစားထက် မြို့မကျ တောမကျလူတန်းစားများက ပို၍ဒုက္ခရောက်နေကြောင်း၊ တောနေ ရွာနေလူတန်းစားများမှာ စားစရာဆန်ရှိလောက်ပြီး လိုအပ်ပါက ဟိုဘက်အိမ် ဒီဘက်အိမ်တွေကနေ ချေးငှားရနိင်ပေမယ့် မြို့မကျ တောမကျလူတန်းစားများမှာတော့ ဆန်မရှိ၍ ပိုဒုက္ခရောက်နေကျတယ်လို့ ဆရာမင်းညိုက ပြောပါတယ်။
ရွာသား(မကွေး)
မကွေးဂျာနယ်