ရွှေမန်း အိန္ဒိယ၏ ပဲ လိုအပ်ချက်မြင့်မား နေတာကြောင့် ပို့ကုန်မတ်ပဲဈေး မြင့်တက်လာတာနှင့်အတူ အခြား ပဲမျိုးစုံဈေးကွက်လိုက်ပါမြင့် တက်နေကြောင်း ပဲကုန်သည် များထံက သိရသည်။ပို့ကုန်မတ်ပဲဈေးမြင့်တက် လာတာနှင့်အတူ ပဲစင်းငုံဈေးလည်း လိုက်ပါမြင့်တက်လာသလို ပဲတီ စိမ်းမှာ ပုံမှန်ဈေးကွက်ပေါက်ဈေး ဖြင့် အဝယ်သွက်နေကြောင်း၊ တ ရုတ်ဝယ်လက်များ မြေပဲဆန် ပြန် လည်ဝယ်ယူလာတာကြောင့် ဈေး အနည်းငယ်ကျဆင်းနေရာမှ ဈေး ပြန်လည်တက်လာကြောင်း ကုလား ပဲအုပ်စုများ ဈေးအနည်းငယ်ကျ ဆင်းနေပြီး ပြည်တွင်းသုံးပဲမာလိုင်း များ တည်ငြိမ်နေကြောင်း မန္တလေး တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များ အသင်း ဒုတိယဥက္ကဋ္ဌ ဦးကျော်သွင် (ရွှေစင်သိန်းပွဲရုံ) ကပြောသည်။“ပို့ကုန်ပဲအနေနဲ့ အဓိက မတ်ပဲဈေးကောင်းနေပါတယ်။ ငွေ လက်ငင်းချေစနစ်တစ်အိတ်လျှင် ငွေ ကျပ် ၁၆၅၀၀၀ တစ်လဆိုင်းဆို ရင်တစ်အိတ်ငွေကျပ်၁၇၀၀၀၀...
